Овој текст е дел од серијата бесплатни лекции од Brainster во категоријата UX/UI Design. Регистрирај се за уште 60 бесплатни лекции за Маркетинг, UX/UI Design, Project Management, Growth Hacking, Дигитална Трансформација и Кариера.

 

Што стои зад одлуката за купување одреден производ или услуга? Зошто некој одлучува да купи онлајн и да се регистрира на твојата страна?

Психолозите постојано работат на истражување на несвесните сфери на човекот кои гo убедуваат да преземе било каква акција. Neuro Web Design-от ја разгледува одлучувачката и убедувачката моќ на дизајнот. Имплементацијата на моќните идеи добиени од истражувања за социјална валидација, реципроцитет, страв од загуба и други принципи многу влијаат на тоа како корисникот ќе пристапи кон твојата web-страна.

Земи го на пример рејтингот од клиентите. Зошто е толку важен, и кои се клучните принципи на кои треба да се внимава за да имаш одличен дизајн кој продава:

Дизајнирај за несвесниот ум

Честопати сме несвесни за причините за нашето однесување. Ние мислиме дека секоја наша одлука е базирана на внимателни мисли, но поголемиот дел од нив доаѓаат од несвесниот ум. Зошто Facebook е толку успешен? Затоа што таргет на Facebook не се млади, студенти или пензионери. Главниот таргет е допамин, хормонот за среќа. Забава, нови работи, известувања – сето тоа нѐ задржува што повеќе време.

Потреба од припадност

Луѓето се прегледуваат едни од други. Како социјални суштества, го прават она што другите го прават, влечени од идејата за припадност. Знаењето што другите имаат поминато со одреден продукт, искуство, сето тоа е поттик за преземање акција. Пример: сакаш да купиш курс. Веднаш гледаш reviews, го избираш оној со најдобар рејтинг, купуваш. Уште повеќе ќе бидеш под влијание ако некој твој близок пријател поминал преку тоа.

Чувство на задолженост

Ова е ера кога се привлекува вниманието на најразлични начини. Идејата е да бидеш пример за личност што ќе дава нешто вредно. Можеби ќе е нешто мало, но да има некаква вредност за корисникот. Добар пример за тоа е Gary Vaynerchuck, кој иако има свој огромен бизнис тој секој ден снима по едно видео за неговата публика. Прикажува квалитетен content и вистински го прави тоа што го зборува. Која е целта? Да претпоставиме дека го следиш на дневна основа. Тој 99 пати дава, за еднаш да побара да купиш негова книга. Чувствуваш како да му го должиш тоа, во замена за добрите работи што ги научи од неговите содржини. 

Промовирај недостаток

Недостапноста на нештата стимулира уште поголема желба за да се поседуваат. Тешкотијата да се дојде до некоја важна информација, ја зголемува нејзината вредност. Ако ја прикажеш ограниченоста во пари или време како нешто што е достапно само за одреден период, тоа е мотив за побрза реакција кај луѓето. Овој метод е добар за да се користи во одредена мера, бидејќи на долги стази, поважна ти е довербата на твојата публика.

Оптимизирај ги изборите

Paradox of choice. Често се зборува дека луѓето сакаат повеќе избор, но реалноста е дека при повеќе избор, одлуките се потешки. Фокусот може да се стави на една до две работи во даден момент. Ако сакаш твојот корисник да купи точно одреден продукт, стави го на прво место во листата на избори. Ако нешто може веднаш (instantly, get now…) да се купи, таквата идеја ги тера луѓето да преземат акција.

 

Што сакаш да научиш следно? Одбери ја темата која сакаш да ја истражиш, и со брза регистрација стигни до 60 бесплатни лекции кои ќе ти пристигнат на е-mail.

Платформата Brainster лекции произлезе од неколкумесечната едукација преку работа на реални проекти на нашите студенти. Учесниците од Академијата за програмирање и учесниците од Академијата за маркетинг ја креираа оваа алатка преку која секој може да стекне вештини за Маркетинг, UX/UI Design, Project Management, Growth Hacking, Дигитална Трансформација и Кариера.

Related Stories For You

Коинвестираме во твојата иднина

Аплицирај за твојот ваучер

10 Компании. 100 Студенти. 1000€ Ваучер.