Има огромна разлика помеѓу PR и маркетинг во форма на рекламирање на дигиталните канали. 

Старата поговорка вели: “Advertising is what you pay for, publicity is what you pray for.”

Оваа поговорка е одличен џокер на претприемачите и PR менаџерите кои треба да ги објаснат односите со јавноста. Исто така е и одлична појдовна точка за комуникација со јавноста. И покрај тоа што има многу ресурси на интернет на оваа тема, поголемиот дел од луѓето – дури и професионалци кои мора да знаат – сè уште е мистерија разликата помеѓу рекламирање и односи со јавноста.

Рекламирањето е платен медиумски простор, а PR – от е заслужен медиумски простор.

Ова значи дека треба да ги убедиш новинарите и медиумите да напишат позитивна приказна за тебе или твојот клиент, бренд или настан. Овој тип на објави не се означени како комерцијални текстови па со тоа се многу покредибилни, земајќи во предвид дека ги објавува трета страна која ги смета за релевантни, наместо едноставното плаќање за објава. ”Поентата на крај е дека читателите повеќе подлежат на влијанието на статиите отколку на рекламите.” вели Michael Levine, кој е познат публицист и автор.

Според истражувањата направени врз процесот на одлучување на потрошувачите, заклучено е дека PR-от е 90% поефикасен од рекламирањето.

Тоа се должи на перцепцијата на потрошувачот. Со рекламирањето им кажуваш на луѓето колку си добар. А со добриот публицитет, оставаш на другите да кажат колку си добар, и тоа е автоматски поверодостојно. На пример, да го споредиме медиумското присуство на еден бренд за облека. Потрошувачите се слепи на рекламите за фустани, но би сакале да прочитаат кои се последните must-haves од најпознатата стилистка во градот. Steve Cody од Inc. magazine вели“Увидовме дека веднаш по препораките на нашите пријатели и семејство, статиите од веродостојни медиуми и личности (најчесто генерирани од бекстејџот на итри PR менаџери), тежат многу повеќе од рекламирањето. PR менаџерите се експерти во раскажување на приказни и вообичаено и ги претставуваат проблемите на јавноста(на пример дебелината кај децата) и уникатното решение на нивниот клиент за проблемот (на пример нов тип на фитнес опрема специјално дизајнирана за деца кои сеуште не се тинејџери).”

Најдобрата аналогија за објаснување на односите со јавноста е завиткувањето на подароците.

Доколку би ги давале подароците директно во рака, наместо убаво спакувани, ефектот не би бил ист. Тоа е затоа што живееме во свет во кој ги пакуваме убаво и во шарена хартија сите нешта: политичарите, телевизиските ѕвезди, па дури и тоалетната хартија. Скоро секоја статија која ја читаме во медиумите е “убаво спакувана” од страна на агенција за односи со јавноста. Размисли: нов смартфон. Јавна критика упатена кон претседателот од некој конгресмен. Последен извештај за топењето на мразот на Антартик. Ниту една од овие приказни не паднале од небо, баш за да излезат пред очите на милиони читатели. Сите овие приказни се напишани, тестирани, испробани и формулирани и од публицисти, PR менаџери, копирајтери, и корпоративни експерти пред да бидат испратени на новинарите кои само ги процесираат информациите, одбиваат некои понуди, прифаќаат други и одлучуваат да објават одредени вести.

Односите со јавноста се како плутониум.

Можат да се искористат за добро или лошо, во зависност од вашите гледишта. Земете го примерот на Edward Bernays, внук на Sigmund Freud, откачен батка кој се верува дека е таткото на PR-от. New York Times вели: Господин Bernays беше првиот човек кој го прошири тесниот концепт на агенциско новинарство, или влијанието на владината политика, во нешто многу поамбициозно и контроверзно, цел систем на наметнување влијание и менување на јавното мислење и однесување. Bernays навистина длабоко навлегол во човечката природа и психологијата на мотивацијата.

Неговите иновации се широко употребувани денес:

  • Користење на опинион мејкери како доктори, научници и јавни личности за промоција и рекламирање на брендовите
  • Правење на герила јавни ситуации како на пример маршот на жените за правото да пушат цигари, кој всушност беше креиран за the American Tobacco Company. Тој ги нарече цигарите “Факли на слободата”
  • Правење на фокус група за да се одредат ставови и предрасуди.
  • Политичка пропаганда за промоција на комерцијални интереси.

Друга страна на PR стратегијата е цената. За разлика од рекламите, PR објавите се бесплатни поради тоа што се релевантни и се засноваат на добрите односи помеѓу двете страни. Па доколку ги земеме во предвид овие два критериуми: влијание на мислењето и цената, зошто сè уште не знаеме да користиме PR?

За повеќе околу PR и Интегрирани Комуникации разгледајте ја програмата на Академијата за дигитален маркетинг.

Коинвестираме во твојата иднина

Аплицирај за твојот ваучер

10 Компании. 100 Студенти. 1000€ Ваучер.