Да се биде програмер не е лесно, особено кога имаш 20 недели да научиш многу. Драгана Спасовска беше најпродуктивна на предавањата од Академијата за Full Stack Development и ќе ве води низ нејзиното искуство до сега.
1. Драгана, беше избрана за програмер на неделата на Академијата за програмирање. Што значи за тебе ова? ?
Тоа што бев избрана за учесник на неделата ми значи многу. На мене делува многу мотивирачки, посебно што пред академијата немав никакви познавања од ова. Ми даде признание дека мојот труд не е залуден и дека сум на правиот пат.
2. Зошто си дел од оваа 20 неделна и интензивна програма?
Како моите студии наближуваа до крајот се повеќе почнував да разгледувам огласи за работа. Така сфатив дека Web Development е она што е најбарано на пазарот. За програмата имав слушнато пофални зборови од ваш претходен учесник. Не ни замислував дека Full Stack Development може да се научи за неколку месеци, меѓутоа од тоа што го слушнав поверував и посакав да сум дел од програмата. Посакав и самата да се обидам. Сметам дека програмава може да допринесе многу во моето понатамошно остварување на професионален план.
3. Што правеше пред Академијата?
Пред академијата се уште бев студент на Економски факултет на департман менаџмент. Планирав да продолжам на мастер студии, меѓутоа решив прво да се обидам да научам Full Stack Development. Да речеме малку ги одложив мастер студиите. Понатаму се надевам дека ќе имам можност за работа на ова поле, меѓутоа користејќи ги и знаењата стекнати на факултет.
4. Како си поминуваш до сега на предавањата, кој дел ти е најинтересен?
Предавањата ми се многу интересни. Предавачите и асистентите се обидуваат да ни ја доближат материјата и секогаш се отворени за прашања и совети. Front – end делот ми беше интересен, бидејќи сакам креативна работа, и секако PHP бидејќи бара да се размисли логично прво за да може да се добие крајното решение. Кога би бирала едно, мислам дека ќе се одлучам за PHP.
5. Што е потребно да се стигне до проактивноста која ја имаш покажано до сега? 🙂
Па потребно е многу труд пред сè. Многу време одвоено за вежбање и учење, редовно решавање на домашните задачи. Како што веќе нагласив оваа академија е мојата прва средба со програмирање, па затоа ми е потребно многу учење и решавање на задачи и секако внимавање на предавањата. Меѓутоа, давав сè од себе и ќе продолжам да го правам тоа.
6. Пoрака до твоите сегашни и идни колеги – програмери? 😀
Верувајте во себе. Трудете се да го остварите тоа што сте го замислиле. Сепак ова е добра инвестиција во самите нас и во нашиот развој на професионален план.
Овој текст е објавен во категоријата Успешни Приказни и ги содржи следните клучни зборови: Brainster. brainster kariera, kariera. kursevi, вработување, кариера, компанија, нова кариера, платформа, програмирање, работа, стартап, технологија, книги за дизајнери, книги за програмери. книги за бизнис. книги за маркетинг, knigi za dizajn, knigi za marketing, knigi za programiranje, knigi za biznis, kurs za microsoft excel, kurs za illustrator. kurs za photoshop. kurs za pr, kurs za onlajn marketing, obuka. akademija za programiranje, akademija za kodiranje. akademija za programiranje skopje, академија за програмирање скопје, академија за кодирање.
