Специјалност му е секогаш да ја пренесе информацијата на нов, свеж и необичен начин. Запознај го Кирил Ѓоргов, нашиот инструктор на 8 дневниот интензивен Курс за Adobe Photoshop CC.

 

Кирил, знаеме дека сакаш ведар и чист дизајн кој го привлекува вниманието на секого. Па, кажи ни нешто повеќе за твоите почетоци и работата како графички дизајнер.

Како графички дизајнер работам повеќе од 5 години. Имам стекнато искуство во многу маркетинг и PR агенции, а особено најдраг ми е почетокот во една маркетинг агенција каде имав можност да редизајнирам палета на производи на еден голем македонски и интернационален бренд.

Инструктор си на  Курсот за Adobe Photoshop CC. За кого е наменет овој курс?

Овој курс е наменет за сите почетници, без разлика дали се маркетери, индивидуалци или едноставно сакаат добар дизајн. Исто така, за оние кои сакаат да се навратат на основите од Photoshop и одличен е за идни дизајнери.

kurs za fotoshop

Со какви вештини ќе се стекнат учесниците од овој курс?

Со овој курс учесниците ќе се здобијат со основните и напредни вештини за ракување со сите алатки во Photoshop, како и совети за креирање на свој печат и свое портфолиo, како да се улови првиот клиент и што понатаму. Како дел од програмата на курсот, превидено е секој учесник да изработи неколку сопствени дизајни.

На какви проекти имаш работено до сега? Кој ти е омилен?

Моето портфолио е сеопфатно. Омилен не можам да одвојам бидејќи сите ми се подеднакво драги. Единствено можам да издвојам што ми е во последно време актуелно, а тоа е дизајнирање на тапет за тркачка кола која во текот на летово се натпреварува низ Македонија и соседните држави.

За што сѐ е потребен Photoshop и колку користи познавањето на оваа алатка?

Photoshop е потребен за многу работи. Познавањето на оваа алатка не е само за дизајнери или фотографи, Photoshop е алатка која може да му служи на секого. Пример: Сакаш да си купиш кола, но во салон има само црвена боја, ќе ја фотографираш и подоцна во Photoshop можностите околу тоа што сѐ можеш да додадеш и одземеш се бесконечни – Ха ха! 🙂

Сакаш да бидеш дел од новата програма за Adobe Photoshop CC? Разгледај ја тука.

kurs za adobe photoshop cc