Запознај ја Емилија Накова – Dream Team студент на нашата Академија за Човечки Ресурси за месец ноември 2022.

Име и презиме: Емилија Накова

По професија: Медицинска сестра за интензивна нега

Академија: Академија за човечки ресурси

Зошто баш оваа област: Човечките ресурси ги гледам како нешто сродно со медицината, можеби затоа и се пронајдов во оваа професија. Да си професиoналец во оваа област значи да си емпатичен, да ги сакаш луѓето, да сакаш да помагаш, да истражуваш, да анализираш и да решаваш проблеми со цел да им овозможиш на вработените и на компанијата да напредуваат и да се развиваат заедно. Навистина е голем предизвик во ова брзо време да се создадат услови за позитивно и пријатно работно искуство на вработените во една компанија, а јас сакам предизвици.

Што те мотивира постојано да учиш: Учењето само по себе за мене е мотивација. Сакам да го надградувам своето знаење со што повеќе информации, нормално од темите што ме интересираат. Учењето ми дава чувство на радост и гордост, но и ми покажува колку далеку можам да стигнам доколку сакам и што сѐ можам да постигнам.

Најинтересната работа што ја имаш научено на Академијата: Тешко е искрено да одберам нешто најинтересно, бидејќи уживам во секоја лекција и нова информација поврзана со областа подеднакво, но ако морам да одвојам една работа која навистина ми беше премногу интересна кога ја дознав, тоа е Хоторновиот експеримент. Навистина ми се допадна исходот од истиот и начинот на кој е изведен.

Омилен модул и зошто: Сите модули се поврзани во целина и се комплетираат еден со друг, поради што навистина ми е тешко да одберам само еден. Одбрав три од нив, но сите се еднакво интересни и важни:

• Модул 2: Регрутација, селекција и onboarding на вработени – освен што го опфаќа целиот процес за примање на нововработени, најважно е што се учи за бесценетото candidate experience, токму тоа би сакала да го овозможам на кандидатите кои ќе аплицираат на огласот во мојата компанија, без разлика дали истите ќе бидат примени или одбиени заради некоја причина.
• Модул 3: Мотивација на вработени – по природа сум човек што сака да ги мотивира и бодри луѓето и со помош на овој модул се стекнав со знаења како да го правам истото за вработените во компанијата во којашто ќе работам, со цел тие да се чувствуваат среќно и исполнето.
• Модул 8: Организациска култура за подобра компанија – секој сака да работи во позитивна средина, опкружен со убаво расположени луѓе, мотивирани да ги завршат своите работни задачи најдобро што умеат.

Кој инструктор ти остави најголем впечаток: Сите инструкторки се големи професионалци, предаваат интерактивно, со многу вежби, квизови и case studies. Многу ме радува што се секогаш достапни да одговорат на прашањата на студентите, иако модулите што ги предаваат се одамна поминати. Искрено тешко е да се одбере една, но доколку морам, тоа е Викторија Дамчевска од причина што начинот на кој предава ми се допадна најмногу и едноставно се поврзува со студентите.

За 5 години сакам да бидам: Менаџер за човечки ресурси, со развиени компетенции, вештини и знаења, лесно приспособлива на промените и доволно мудра за да не дозволам да развијам burnout syndrome.

Хоби: Сакам да читам книги, да патувам и да истражувам нови места, да гледам аниме, да планинарам и да испробувам разновидни рецепти.

Омилена книга: „Твојот втор живот започнува кога ќе сфатиш дека имаш само еден“ од Рафаела Жордано

Омилен цитат: “There is no such thing as perfect in this world. That may sound cliché, but it’s the truth. The average person admires perfection and seeks to obtain it but, what’s the point of achieving perfection? If something is perfect, then there is nothing left. There is no room for imagination. No place left for a person to gain additional knowledge or abilities.” 

Уписите за следната група на Академијата за Човечки Ресурси се во тек! Интересот е преголем и бројот на места – ограничен, затоа резервирај го твоето навреме!

Закажи средба со нашиот student admission team за повеќе насоки и детали за програмата!