Како што се развива полето на Data Science и го трансформира начинот на кој функционираат бизнисите, така расте и побарувачката на квалификувани научници за податоци кои играат клучна улога во процесите на донесување одлуки, идентификување на трендови и решавање на сложени деловни проблеми.

Со таа цел, го создадовме блог серијалот „Мојата Data Science кариера“ за да ги раскажеме инспиративните приказни на нашите rockstars студенти кои ги надградија своите знаења и вештини, и создадоа успешна Data Science кариера.

Од нивните почетоци до победничките проекти и предизвици, тие ни ги откриваат тајните зад нивниот успех и споделуваат вредни сознанија за своите уникатни пристапи.

Во првата блог објава, си поразговаравме со Филип Арсеновски – алумни студент на Академијата за Data Science, кој покажа најдобри перформанси за време на предавањата и се вработи како Business Intelligence Analyst во интернационалната компанија CantabPI.

Тој има работено на проектот „Најдобриот кошаркар на сите времиња? – Одговорот лежи во податоците“, а исто така и на проектот „Моќта на PowerBI прикажана преку Netflix визуелизација“ за кој заедно со својот колега Александар Анастасов освоија прво место на интернационалниот предизвик за најдобра визуелизација во PowerBi.

Во продолжение, тој ни раскажа повеќе за неговото Data Science патување

Здраво Филип. За почеток, да се навратиме на твоите студентски денови на Академијата. Дали можеш да ни споделиш како ги балансираше твоите академски и вон-наставни обврски и кои методи ги користеше за ефективно да управуваш со твоето време?

Искрено, беше голем предизвик да се направи баланс помеѓу тогашната работна позиција која вклучуваше теренска работа и секојдневно патување надвор од Скопје, обврските на Академијата и паралелната припрема на магистерскиот труд, меѓутоа задоволен сум како на крајот излезе сé. Ситуацијата во која бев бараше сериозен time management, кој за среќа успеав да го дефинирам за кратко време, како и енергијата, која ја црпев од самата работа. Работев константно на нешто ново и интересно, и имав сé повеќе енергија. Тоа ќе го разберат сите оние што почувствувале дека се пронашле во некоја работа. Целото искуство ми помогна да станам поефикасен во мојата работа, како и во планирањето и одредувањето на приоритети. 

Како остануваше мотивиран и посветен, особено кога се соочуваше со тешка задача или предизвик? Дали постојат специфични навики или техники што ти помогнаа да го задржиш својот фокус и мотив?

Кога некој ќе го пронајде својот „повик” од професионален аспект, односно ќе се пронајде во она што го работи, тогаш посветеноста и мотивацијата се константно на високо ниво. Секако, постојат моменти кога се соочувам со некоја тешка задача. Во такви ситуации, најчесто пуштам музика или правам кратка пауза од компјутерот, во зависност од мојата ефективност во дадениот момент.

Можеш ли да ни раскажеш за одреден период кога се имаш соочено со значаен предизвик во професијата/кариерата и го имаш надминато? Што научи од тоа искуство?

Со оглед на тоа дека пред Академијата немав никакво искуство во ИТ секторот, самиот начин на функционирање во едно такво опкружување кое мене ми беше сосема непознато, беше предизвик за мене. Имав голема среќа што колегите од фирмата во која сум вработен се секогаш подготвени да помогнат, па ми го направија целиот тој период на onboarding полесен и на тој начин ми овозможија за многу кратко време да се адаптирам, и да започнам успешно да ги исполнувам обврските кои беа во описот на работната позиција. 

Зад тебе се многу проекти во полето на Data Science. Дали имаш некој омилен кој би го издвоил и која беше твојата улога во тој проект? Сподели ни повеќе за резултатите од тој проект, и што научи од искуството?

Да, сега веќе имам работено на доста интересни проекти и секој од нив си има своја приказна. Можеби како еден од омилените би го посочил првиот во Data Science сферата, а тоа беше за изработка на дашборд за Macedonia2025. Овој проект беше дел од проектите кои ги имав како можност да ги работам додека бев сé уште студент на Академијата, и заедно со Александар Анастасов, а подоцна и Александар Клашниновски, успеавме да изработиме решение кое од клиентот беше избрано како победничко од 10 иницијални групи. Ова искуство ми овозможи да се запознаам со тимската работа, истражувањето и барањето на решенија, како и комуникацијата со клиент. Едно одлично искуство кое резултираше со долгогодишна соработка и пријателство со Александар.

На Академијата за Data Science постојано работевте во тим на реални проекти за реални клиенти кои ја даваат „сликата“ за работа во реална средина. Можеш ли да го опишеш твоето искуство со работа во тимско опкружување?

Моето досегашно искуство во тимско опкружување е одлично. Можам да кажам дека се гордеам со сите проекти кои сум ги работел како дел од тим и дека од секој проект носам нови искуства и се здобив со нови познавања. Многу е полесно кога имаш некој со кој можеш да дискутираш околу потенцијални решенија и да согледаш некои работи од друга перспектива. Секако, работењето во тим не е секогаш едноставно, но е најважно да се размислува објективно при секоја дискусија, да нема пристрасност и да се донесе решение кое е најдобро за проектот, односно клиентот. 

На кој начин остануваш во тек со случувањата во твоето поле на интереси? Дали има одредени ресурси или организации што ги следиш и како тие влијаат на твоето учење и професионален раст?

Сметам дека најдобар начин за да останеме во тек со случувањата од моето поле на интерес, во конкретниот случај Data Science, е преку следење на личности, компании и организации кои ги прават промените во самата сфера. Јас тоа го правам преку LinkedIn каде што мојот feed e често исполнет со такви информации.

Што би ги советувал сите оние коишто сакаат да ја градат својата кариера во полето на Data Science? Некои tips & tricks кои ќе им го олеснат учењето и совладувањето на материјата?

Главен мој совет би бил да бидат упорни, доследни и трпеливи. Секој може да стане експерт во одредено поле, доколку се посвети максимално и има јасно дефинирана визија и цел да успее. Единствени tips & tricks за кои сметам дека се од голема важност за идните успешни Data Scientists е континиурано учење и вежбање на материјата, но и барање на помош од поискусни колеги во ситуации кога ќе дојдат до одредена препрека. Искуството на колегите со поголем сениоритет може да биде од големо значење во понатамошниот развој на секој почетник.

За крај, дали можеш да ни кажеш за твојата Data Science кариера денес, некое време по завршувањето на Академијата за Data Science?

Мојата моментална работна позиција е BI Analyst во хрватската компанија CantabPI. Моите секојдневни обврски се насочени кон репорти и дашборди, почнувајќи од планирање на нивниот визуелен изглед и структурата на податоци која ќе се користи, па сé до изработка на самите визуелизации и нивно одржување. 

Уписите за следната група на Академијата за Data Science се во тек! Интересот е преголем и бројот на места – ограничен, затоа резервирај го твоето навреме!

На Академијата за Data Science работиме на реални проекти за реални клиенти, под менторство на докажани и искусни инструктори.

Закажи средба со нашиот student admission team за повеќе насоки и детали за програмата!