Драгица Додевска од Inbox – Growth & Marketing техники на МailChimp (Case Study)

Замислете да се разбудите едно утро со прашањето — Како да создадам продукт кој ќе биде користен од милиони бизниси кои ќе праќаат билиони мејлови на ден? Како да станам најголемата платформа за e-mail маркетинг ширум светот?

Основачите на Mail Chimp не се разбудиле со тоа прашање. Напротив, кога ко-основачите Ben Chestnut и Dan Kurzius го започнале Mail Chimp во 2001, нивната единствена цел била да им помогнат на своите клиенти.

Со учесниците на Академијата за маркетинг, на модулот за e-mail маркетинг, детално ja разработивме стратегијата на најпознатата платформа за е-mail маркетинг. Го споделуваме најдобриот Case Study за растот и маркетинг техниките на MailChimp, разработен од Драгица Додевска од Inbox,  учесник на Академијата за дигитален маркетинг во Brainster.

Од разработката на овој случај можат да се извлечат бројни заклучоци и идеи на тема развивање на дигитални продукти.

Уписите за Академијата за дигитален маркетинг се во тек. Види ја програмата тука.

Како започна приказната за Mail Chimp?

Основачите на Mail Chimp во тоа време воделе бизнис поврзан со веб дизајн. Во моментот кога некој од нивните клиенти им побарал услуга за полесен начин на испраќање мејлови, Chestnut употребил некој стар код од претходен проект (продукт за испраќање дигитални честитки, генерално пропаднат продукт). Тој код, всушност претставувал стартен скок за Mail Chimp. Со години, ова претставувало незначаен side-project, бидејќи фокусот на основачите бил ставен на бизнисот со веб дизајн.

Во 2007, решиле да го затворат дотогаш постоечкиот бизнис и целосно да се фокусираат на Mail Chimp.

Но, официјалниот старт за Mail Chimp во 2007, не бил во најдобриот можен период. Таа година, спамот достигнал невиден пораст од сите испратени пораки. Подобро финансираните компании како Constant Contact веќе доминирале во е-mail маркетингот. И покрај ваквата состојба основачите гледале на e-mail маркетингот како совршен за малите бизниси кои се обидуваат да стигнат до целните публики. Што е она што ги направило подобри од конкуренцијата? Блискоста со клиентите.

Како Mail Chimp успеа да се доближи до клиентите?

  1. Likeability ефект (ефектот на допадливост) — Во светот на остри, сиви, корпоративни решенија, Mail Chimp бил чуден и забавен.
  2. Принципот на Give and Take.  Freemium,  бесплатно до одреден број на корисници,  за да можат сами да се уверат колку е неверојатно. Give 10, take 90.
  3. Ефектот на клиентско задоволство. Постојано потсетување на своите клиенти дека го направиле вистинскиот избор. Мисијата на MailChimp е да ги направи своите клиенти среќни.

Какви стратешки кампањи го креираа успехот на Mail Chimp?

Создадоа продукт според потреба. Ко-основачите ја увидоа “болната точка„ на бизнисите кои праќаат bulk мејлови кај своите клиенти. Така креираа продукт според потребата на бизнисите. Како што го развиваа бизнисот, тие константно ги менуваа ценовните тактики. Отскокот беше во период од 2008 до 2011, период кога Mail Chimp официјално го презентираше својот Forever Free план, што стратешки ги постави во одлична позиција. Им дадоа на сите свои корисници бесплатно користење на платформата (до 2000 претплатници) за да можат да ги увидат бенефитите и им пружија можност да го градат и унапредуваат бизнисот на своите клиенти. Како што растеа нивните клиенти благодарение на ефективноста на e-mail маркетингот, така се зголемуваа и нивните потреби за користењето на Mail Chimp и беше очигледен чекор дa направат upgrade кон платената верзија.

Креираа вирална маркетинг кампања — користејќи рамка од три сегменти:

  • Цел — Целта на MailChimp беше масивно препознавање на брендот.
  • Маркетинг Агол — Маркетинг аголот беше да создадат чуден бренд кој привлекува внимание и кој се римува со MailChimp. Создадоа уште десетина други брендови чии имиња се римуваа со MailChimp — како MailShrimp, KaleLimp, and JailBlimp итн.
  • Промоција — Mail Chimp користеа single page веб страни, видео реклами на YouTube, реклами на Instagram, метро, билборди итн. Финално се претставуваа кои се. (Did you mean Mail Chimp кампањата, иако бизарна и чудна за многумина, финално им донесе 3.8м organic пребарувања, 775.3м импресии и медиа приход од 3.52м долари.)

Custom публики за таргетирање на Facebook за следење на своите корисници низ секоја фаза од маркетинг инката

Направија рекламирање на Facebook таргетирајќи ги нивните регистрирани корисници кои не ја направиле својата прва e-mail кампања. Рекламата им нудеше упатство “Getting started” со карактеристичен визуал — слика од појадок. Палачинки — со мотивирачка порака во која стои дека испраќањето на првата e-mail кампања е лесно како подготвување појадок.

Додека пак на нивните активни корисници, им ја промовираа мобилната апликација.

MailChimp се присутни кај постоечки и потенцијални корисници, во секоја нивна фаза од маркетинг funnel-от.

Нивниот начин на комуникација е различен од другите, но тоа што најмногу ги издвојува во поглед на маркетинг е дека се навистина бестрашни, ако ги земеме сите нивни кампањи во предвид.

Целосниот текст од Драгица Додевска прочитај го тука.

 

Уписите за Академијата за дигитален маркетинг се во тек.

 

Аплицирањето за ваучер заврши!