Кој не би сакал да знае како се црта коала во Illustrator?
1. Креирање на главата
Чекор 1
Креирај нов документ со димензии 600 x 600 px. Притисни OK.
Одбери Window > Tools, каде што ќе ја најдеш алатката Ellipse Tool (L), која ќе ја употребиш за да ја нацрташ главата на коалата.
Нацртај елипса и постави ја бојата на R=171 G=175 B=166. Земи ја Direct Selection Tool (A) алатката и селектирај ги левата и десната точка на елипсата, помести ги надолу користејќи ги стрелките на тастатурата.
Чекор 2
Одбери Effect > Distort, потоа Transform > Roughen. Со овој ефект ќе ја „разбушавиш“ коалата. Во прозорецот кој ќе се отвори внеси ги следните поставки:
Чекор 3
Сега ќе ги нацртаме ушите. Нацртај елипса со бојата од првиот чекор и со помош на алатката Ellipse Tool (L). За да нацрташ правилен круг, држи го копчето Shift додека црташ.
Потоа во самиот круг нацртај уште еден, помал круг со боја R=221 G=223 B=218. Но, на овој круг не се потребни ефекти. За да го избришеш ефектот, во панелот Appearance (Window >Appearance), земи го зборот “Roughen” и однеси го до иконата Trash. Оваа постапка може да ја погледнеш подолу на сликата.
Чекор 4
Селектирај го целото уво и десен-клик на глувчето. Во прозорецот кој ќе се појави одбери Transform > Reflect. Одбери Vertical axis of reflection (вертикална оска на пресликување) и притисни Copy.
Второто уво помести го на десната страна од главата. За правилно да ги подредиш ушите на коалата, селектирај ги, десен-клик на глувчето и одбери Group. Држејќи го копчето Shift на тастатурата, селектирај ги главата и ушите. Одбери Window > Align и Horizontal Align Center.
Чекор 5
Следуваат очите. Одбери темно сива боја за полнењето, како што е обележано на сликата подолу, и со помош на алатката Ellipse Tool (L) нацртај елипса. Во елипсата нацртај мал бел круг, за да му додадеш сјај на окото. Селектирај го окото и со држење на Alt копчето повлечи го на десно. Ова е едноставна постапка за правење копија на одреден елемент, во овој случај другото око на коалата.
Чекор 6
Нацртај елипса со помош на алатката Ellipse Tool (L). Помести ги надолу левата и десната точка од елипсата како што направивме за да го добиеме обликот на главата. Ќе добиеш облик во вид на јајце. Потоа направи копија (Control-C, Control-V) и намали и ги димензиите. Промени ја бојата во R=75 G=76 B=72. Постави ги двете форми кои го оформуваат носот на коалата како што е прикажано на сликата подолу.
2. Креирање на стеблото на дрвото
Чекор 1
Сега ќе го креираме стеблото на дрвото. Со помош на алатката Rectangle Tool (M) нацртај правоаголник. Бојата на полнењето е прикажана на сликата подолу, а можеш да ставиш боја по твој избор.
Од панелот со алатки одбери ја алатката Warp Tool(Shift-R). Но пред да го употребиш, подеси ги поставките, односно двоен-клик на иконата и внеси:
Со помош на алатката Warp Tool (Shift-R) нацртај го стеблото на дрвото, а потоа и три гранки кои ќе ги поставиш како што е прикажано на сликата.
Чекор 2
Промени ја бојата на исполната R=86 G=52 B=29 и нацртај неколку правоаголници по должината на стеблото, а потоа на нив употреби ја алатката Warp Tool (Shift-R).
Чекор 3
Постави ја главата на коалата позади стеблото. За да ја поставиш полесно селектирај ги сите делови на главата, групирај ги (right-click > Group) и притисни Control-X, Control-B. Изротирај ја главата на десно.
3. Креирање на шепите
Чекор 1
За да ги нацрташ шепите треба да започнеш со елипса. Исполни ја со бојата R=189 G=191 B=183. Додади ефект како што додаде на главата и ушите на коалата (одбери Effect > Distort & Transform > Roughen). Внеси ги поставките кои се прикажани подолу.
Чекор 2
Направи четири шепи (со копирање на првата) и постави ги како на сликата:
4. Креирање на лисјата
Чекор 1
Повторно започнуваме со елипса. Исполни ја со бојата R=163 G=165 B=16, одбери ја алатката Convert Anchor Point Tool (Shift-C) изаостри ја елипсата во горниот и долниот дел. Добивме лист!
Чекор 2
Copy-paste, креирај онолку копии од листот колку што мислиш дека ќе бидат потребни. Постави ги листовите на гранките.
Чекор 3
Ајде да креираме позадина за илустрацијата. Селектирај ја бојата R=237 G=234 B=239 и кликни на работната површина (art board). Внеси ги следните димензии Width 600 px (висина), Height 600 px (широчина) и кликни OK. Постави го квадратот позади останатите елементи (селектирај го квадратот и притисни Control-X, Control-B).
Voila! Завршивме!
Одлично! Сега знаеш како да нацрташ коала, со едноставните команди и алатки и со малку имагинација можеш да го нацрташ секое животно.
