Околу важноста на правилниот кариерен избор прочитавте на нашиот претходен блог.
Можеби веќе и го решивте кариерниот квиз кој претставува забавна, но воедно и корисна алатка која може да ви помогне при изборот на кариера, без разлика дали сте личност која сѐ уште го нема одбрано својот кариерен пат, или пак веќе имате кариера и се размислувате дали да започнете нешто ново.

Со цел да го донесеме финалниот продукт до перфекција, пристапивме мултидисциплинарно и  на оваа алатка посветено работеше цел тим од различни области! Покрај нашиот Brainster тим, за оваа алатка во голема мера придонесоа и студентите од Академијата за програмирање, Академија за UX/UI и Академијата за софтвер тестинг. Работевме напорно, вложивме многу труд и успешно го развивме продуктот!

Во овој блог објава ќе се задржиме на студентите од Академијата за софтвер тестинг кои имаа можност во рамки на својот завршен проект да го збогатат своето портфолио со уште еден реален проект што е широко достапен за јавноста. 

Во текот на месец ноември 2020, непосредно од како студентите ги завршија и последните модули од Академијата, тие посветено работеа на Brainster кариерниот квиз, барајќи bug-ови и грешки на истиот.

Како и секое тестирање, процесот започна со бриф односно запознавање на студентите со спецификациите на проектот, како и барањата за тестирање за да можат успешно да утврдат кои тест дизајн техники ќе ги користат додека тестираат тест сценарија. Целта беше да се постигне што поголема покриеност со тестирањето.

Во следниот чекор, детално ги опишаа чекорите за тестирање на функционалности за да се опфатат сите можни сценарија и да се стигне до крајната цел – дали квизот работи онака како што се очекува? 

По приоритетизација на тест сценаријата и нивно извршување студентите дојдоа до најверојатно и најинтересниот дел од целото тестирање – пронаоѓањето bug-ови!

Откако студентите ги пронајдоа bug-овите, истите ги пријавија кај нашите девелопери преку добро структуиран bug report. Девелоперите постапија согласно пронајдените bug-ови и со последните чекори го финализираа квизот, за следно – да го лансираме кон јавноста без никакви грешки.

Доколку не сте го решиле квизот, можете да го најдете овде.

Ако поседуваш аналитичен ум и внимание кон детали, склон/а си кон перфекционизам и имаш аспирации да влезеш во IT светот, Академијата за софтвер тестинг е правилниот избор за тебе!

Закажи информативна средба со координаторот на Академијата тука.