“Маркетинг алатка на денот” е серија од микро постови создадени со цел да ги запознаеме македонските стартапи и маркетинг ентузијасти со корисните алатки кои можат да ги користат во делот на маркетингот. Оваа иницијатива е на brainster заедницата.

Алатка #3 BuzzSumo.

Повеќето од нас мислат дека content marketing-от е наједноставната работа поврзана со маркетингот. Ќе смислите нешто во некоја форма, ќе го објавите и луѓето магично ќе почнат да ве следат низ социјалните медиуми и да се појавуваат на вашата интернет страна. Погрешно! Content marketing-от претставува една од најтешките и најсензитивни работи кои треба да бидат извршени во правилна форма, со вистинска порака и одличен тајминг. Мала грешка и пораката која што сте сакале да ја упатите до пошироката јавност добива сосема нова “непредвидена” димензија. Сигурно се прашувате „ како можам да знам дали content marketing-от кој го спроведувам е правилен и како порака стигнува до одредена замислена маса на потенцијални следбеници и купувачи„? Одговорот е лесен: Добредојдовте во светот на BuzzSumo!

Што претставува BuzzSumo?

Ветувањето на BuzzSumo е дека ќе анализира содржина која предизвикува најголем интерест за било која тема или конкуренција и дека ќе ги пронајде клучните луѓе (influencers) кои ќе ја промовираат вашата содржина. Пребарувајки низ разните социјални платформи вклучувајки Facebook, Twitter, LinkedIn, Pinterest и Google+, Вие ќе бидете во можност да видите каква содржина и кој ја споделува во реално време.

Популарни курсеви:

• How to Pitch–Perfect работилница
• Како да креирате CV кое ќе ве вработи
• Storytelling: Како да пишувате за странски медиум

Зошто ја сакаме?

Затоа што е up-to-date и во реално време! Како корисник добивате информација за тоа како некоја тема станува популарна низ различни социјални медиуми. Можете да филтрирате по содржина (видео, артикли и сл.) по датум, па дури и по земја и јазик. Може да пронајдете кои се клучните луѓе во вашиот пазарен сегмент. Исто така, можете да пронајдете и потенцијални партнери за споделување на содржина (Да, и тоа го има! )

Убавината на BuzzSumo е во тоа што имате функционалност со бесплатната верзија која колку-толку врши работа кога се во прашање гореспоменатите работи, но за дополнителни функионалности ќе треба да платите минимум 99$ месечно. Иако станува збор за cool функционалности, аларми, извештаи, споредба на домаини и сл, за почеток имате и тоа каква функционалност.

Дали би го користеле BuzzSumo?

Среќно

brainster.co заедницата

Ако ви се допадна овој пост, посетете ја серијата на микро постови на овој линк. Ако ја поддржувате оваа иницијатива споделете со вашите пријатели.