Ако треба да го одбереме нашиот најредовен учесник, Миа од Фероелектро е убедливо таа. Овие неколку месеци ја запознавме многу подобро а наскоро ќе ни се придружи и на Академијата за Маркетинг.

1. Која е Миа, кажи ни нешто повеќе за тебе 🙂

Миа е само уште еден лик, вечно жеден за нови искуства и знаења! Покрај правната наобразба, животот ме одведе во сосема друга област, во која никогаш не сум ни сонувала дека ќе работам. „Никогаш не викај никогаш“ затоа што тоа никогаш експресно се претвора во тука и сега. 🙂 Така бидна и кај мене и ете ме, веќе неколку години работам како комерцијалист во Фероелектро, компанија која се занимава со продажба на големо на различни градинарски производи. Во склоп на Фероелектро работи и малопродажниот салон МТД Градина, кој веќе 20 години постои во срцето на Тафталиџе.

2. До сега си била на курсеви за Продажба, Блогирање, Facebook Ads и PR во Brainster. Што ти се допадна најмногу?

И како на некоја реклама од Топ шоп: „И тоа не е се!“ 🙂 Освен гореспоменатите, ги посетив и курсевите за Adobe Illustrator, Photoshop, Indesign и Online Marketing. Секој курс има своја непроценлива вредност и примена. Немам зборови со кои би ја изразила мојата радост што постои една ваква платформа.  Да не постоеше Brainster, ќе требаше да го измислиме!

3. Кој е твојот омилен проект на кој имаш работено за Фероелектро-МТД Градина?

Последното нешто во кое се впуштивме е отворањето на електронската продавница, со што се обидуваме да бидеме чекор поблиску до нашите потрошувачи. А непосредно по посетата на курсот за Блогирање, осамна и блогот. 🙂

4. Во што ти помогнаа најмногу вештините што ги стекна на курсевите?

Секој курс и стекната вештина совршено се вклопи во мозаикот на секојдневните работни обврски. Без тоа знаење би останала заглавена во една мртва точка. Факт е дека не се станува инстант експерт во некоја област преку ноќ, но знаењето кое го давате ми овозможи да се одржувам на површина и да не потонам во ова море од информации кое секојдневно се бранува.

5. Ќе бидеш дел од Академијата за Маркетинг. Кои се твоите очекувања? 

Рака на срце, немам очекувања, затоа што одамна ми ги надминавте и добив стократно повеќе од тоа на кое што се надевав! Верувам дека Академијата за Маркетинг во Brainster ќе биде супер искуство кое ќе поттикне нови промени и посигурен чекор напред. 🙂

Прочитај повеќе за Академијата за дигитален маркетинг тука.

Овој текст е објавен во категоријата Успешни Приказни и ги содржи следните клучни зборови: Brainster. brainster kariera, kariera. kursevi, вработување, кариера, компанија, нова кариера, платформа, програмирање, работа, стартап, технологија, kurs za microsoft excel, kurs za illustrator. kurs za photoshop. kurs za pr, kurs za onlajn marketing, obuka. akademija za marketing, obuka za internet marketing skopje. бизнис, biznis, obuka za facebook, обука за маркетинг. kurs za google ads, курс за google ads, обука за google adwords. digitalen marketing skopje, обуки за вработени, obuki za vraboteni skopje.