Тhere are no shortcuts! Да се биде добар програмер значи да се размислува логички, но и да се бара креативно решение на проблемот. Мартин Поповски е еден од најдобрите учесници на Академијата за програмирање и решивме да го прашаме како успеа да ги совлада досегашните предизвиците.

Уписите за Академијата за програмирање се во тек. Види ја целосната програма тука.

1. Мартин од Академијата за Front-end програмирање, заслужено е учесник на неделата. Претстави ни се на кратко, кој е Мартин и зошто одлучи да бидеш дел од Академијата за програмирање?

Здраво, јас сум Мартин Поповски, дипломиран економист, во моментов работам во банка во сектор за електронско банкарство и сум студент на Академијата за front-end програмирање.
Во слодобно време сакам да изгледам некој добар филм или спортски натпревар, а фитнесот ми е хоби и ми помага да се релаксирам после напорниот ден.
За академијата  дознав преку социјалните медиуми, а потоа ми ја препорачаа и пријатели. Ми се допадна целата програма, од начинот на предавање до идејата за изработка на реални проекти кои се корисни за заедницата. Јас сум млад, амбициозен,  креативен, сакам предизвици и сакам да учам нови работи и да се надградувам.  Сметам дека јас и Brainster сме одлична комбинација и затоа одлучив да бидам дел од Академијата 🙂

2. Што мислиш дека ќе ти биде најголем  предизвик за совладување?

Во моментов на Академијата учиме JavaScript, програмски јазик, кој бара многу посветеност и вежбање за да се научи. Секако учењето на JavaScript го сметам за предизвик, меѓутоа како што кажав и претходно, сакам предизвици и затоа сум дополнително мотивиран за да го совладам.

3. Според тебе кој е најдобриот и најефикасниот начин за да се научи програмирање?

Како што би рекол Петар, there are no shortcuts 🙂 . Значи  за да се научи програмирање треба да се вложи многу труд, треба да се вежбаат задачите и да се биде упорен.
Најважно од сѐ е да се размислува логички и понекогаш да се бара креативно решение на проблемите.

4. Што би им препорачал на идните студенти на Aкадемијата за програмирање?

Моја препорака  е да се стремат кон нови предизвици и нови достигнувања. Најважно од сѐ е да бидат храбри, цврсто да веруваат во себе и во своите можности и никогаш да не се откажуваат.

Уписите за Академијата за програмирање се во тек. Види ја програмата тука.