Платформата за ко-иновации и вработување на Brainster овој месец слави полујубилеј и има многу со што да се пофали. 

Резултатите од постојаната и опсесивна грижа за нашите студенти и партнери за ко-иновации и вработување во изминатиов период вродија со плод. Наше задоволство е да ги споделиме новините прво со вас!

Во изминативе шест месеци не само што ги одбележавме едни од најголемите успеси на полето вработување и работа на реални проекти, туку имавме и шанса да работиме со едни од најголемите компании во регионот како A1 и Jagermeister.

Постојано бевме и активни во локалната заедница поддржувајќи мали бизниси и социјални каузи. На овие полиња соработувавме со Special Olympics Macedonia, Здружението за акција против насилство и трговија со луѓе – Отворена Порта Ла Страда, Добар Бар, Види Вака, Универзитетското Студентско Собрание и многу други.

Бидејќи веруваме во можностите што лежат во долгорочни и стабилни партнерства, започнавме соработка со повеќе од 10 нови партнери како DEPT Agency, Pabau – Clinic Software, The Big Search и многу други. 

До сега, нашите партнери и соработници вработија повеќе од 150 нашите студенти од различни академии. А пак, нашите студенти започнаа да ги градат своите кариери од иднината во домашни и интернационални компании.

Тимот за ко-иновации и вработување останува целосно посветен кон вработување на нашите студенти, но и можности за иновација и нови, свежи идеи за подобрување на работата на нашите клиенти.