Ден во карантин со Aнастасија Давитковска, инструктор oд Академијата за програмирање

Анастасија Давитковска е инструктор од нашата Академија за програмирање. Ја прашавме да ни сподели како поминува денот во услови на карантин ?

06:00
Отсекогаш сум била early bird и човек кој не сака времето да го троши на спиење. Се будам помеѓу 06:00 и 06:15, карантинот не го смени тоа. Она што го смени е утринското вежбање.

По завршувањето на секојдневните утрински рутини и шетање со Џој се сместувам на работа.

07:30
Перидов работам од дома, што ми дозволува малку порано да почнам со работа и организација на денот. 

Работниот ден ми почнува со кафе – лоша навика која ми ја донесе карантинот. Првите неколку часа ми поминуваат во состаноци и организирање на обврските за тој ден. 

13:00

Работниот ден не е многу поразличен од оној во канцеларија, но секако фалат моментите на интеракција со луѓе. Во деновите кога работните обврски го дозволуваат тоа, правиме кафе пауза со колегите од Devsy. На Hangout се разбира 🙂

16:00

Рано почнувам со работа, рано и завршувам.

По природа сум workaholic, па и кога немам работа си наоѓам.

Конечно имам доволно време и за готвење, доволно за секој ден да експериментирам. И да, од неодамна почнав да вежбам кик-бокс, па го користам ова време за да се одржам во форма.

19:00

Иако целиот свет како да подзастана, Brainster продолжи во полна пареа. Којзнае, можеби некој од нашите студенти ќе го спаси светот 🙂 

Воведовме online настава со нови дополнителни активности како менторски сесии, вежби, е-работилници. Во деновите кога имам предавања овој период од денот ми поминува во спремање на часот и одржување на истиот. Во деновите кога немам закажани предавања го користам времето за подготвување на новите активности.

22:00

Време за одмор со филм и домашно пиво.

И за крај, добра книга за добра ноќ.