Стартап Алатки #5

“Стартап алатки” е серија од микро постови создадени со цел да ги запознаеме македонските иноватори и стартапи со корисни алатки кои можат да ги користат при развивање на нивните производи. Оваа иницијатива е на brainster заедницата

Стартап Алатки #5 Asana

Во услови кога e-mail-овите и состаноците ни го диктираат расположливото време за оперативни “попродуктивни” активности, просто е невозможно да се остане фокусиран а да не се потроши дел од времето “залудно”. Во една студија спроведена од страна на Глобалниот институт McKinsey е утврдено дека “knowledge workers – менаџери, лица за продажба, научници, и др. чија примарна активност е интеракцијата со др. вработени, клиенти и добавувачи и вклучува комплексен процес на донесување на одлуки базиран на знаење и проценка” во просек губат нешто повеќе од 2 и пол часа дневно (2,6 часа дневно поточно) читајки и одговарајки на mail-ови. Ова е еквивалент на 27 работни дена годишно!

Една од алатките која помага во процесот на продуктивност а која истовремено е наречена убиец на e-mail-от е Asana, основана од поранешниот ко-основач на Facebook Dustin Moskovitz и поранешен вработен во Facebook, Justin Rosenstein.

Што претставува Асана?

Наједноставниот опис што може да и се припише на оваа алатка е дека Asana претставува делумно to-do листа, а делумно и комплексна алатка за колаборација (соработка). Можете да ја користите за проектно менаџирање или за следење на процесот при вработување за одредена работна позиција. Asana-та претставува отворена и флексибилна апликација на начин кој што е исто така својствен за Evernote, што би значело дека како корисници од прва нема да бидете сигурни од каде да започнете. Но штом навлезете во светот на Asana, како и кај Evernote, може да станете што ќе посакате.

Asana-та функционира во облак, и примарниот интерфејс е онлајн. Постои и мобилна апликација, но веб интерфејсот е убедливо подобар и пофункционален. Како алатка, Asana-та е бесплатна за до 15 корисници за колаборација, а понатаму следуваат платените опции од минимум 50$.

Употреба на Асана во бизнисот

Како што може да видите од видеото, Asana ви овозможува да додавате задачи, да ги доделите на некого (вклучувајки ве и вас), да зададете датум на достасување да , ставите забелешки за задачата, како и да додавате следбеници кои ќе го мониторираат извршувањето на задачити или ќе придонесат за нивна побрза реализација.

Секоја од задачите може да има и подзадачи. Сите задачи можат да бидат влечени и ставени на соодветна локација. Исто така, може да додавате section headers во рамките на задачите и да покажете што сакате. Овие section headers претставуваат линии на демаркација, и можат да ви послужат во процесот на поделба на доста големи и/или комплицирани процеси. Повеќе околу тоа како работи Asana-та можете да научите во делот од видео туториалите коишто Asana ги става на располагање.

Некои од генералните употреби на Asana во делот на бизнисот вклучуваат

• Вработување и следење на апликантот
• нови обука на вработените и листа за проверка за да започнете во компанијата
• Проект менаџмент
• Управување со работниот тек

Убавината на ваквите алатки е во тоа што можат и те како да ви го олеснат начинот на функционирање, доколку правилно се изгради организациска култура околу нивната примена, и се остави на вработените да ја искористат нивната креативност.

Бидете креативни. Бидете различни. Бидете brainster-и

Среќно

brainster.co заедницата

Ако ви се допадна овој пост, посетете ја серијата на микро постови на овој линк. Ако ја поддржувате оваа иницијатива споделете со вашите пријатели.