Сара Митева е дигитален маркетер во Valuer, влета во маркетинг светот со полна пареа уште пред да заврши факултет и е гордост на сите од Академијата за маркетинг.
Ти посакуваме успешна кариера до ѕвездите, продолжи да газиш! 🙂
Уписите се во тек – види програма тука.
1. Кажи ни нешто за себе!
Јас сум Сара, студирам маркетинг. Пред да се запишам на факултет немав поим што е тоа маркетинг и дека можело да биде волку интересно. Слушнав дека се бара креативност и не размислував многу. Среќна сум што така ми се одвиваа работите и што влегов во овој свет. Во последно време сум окупирана со тоа и во слободно време, се трудам да читам и да се информирам повеќе бидеќи сè се менува пребрзо. Пишувам и блог. Кога сакам да одморам од маркетинг гледам серии, филмови и читам книги. Омилена серија ми е Parks and Recreation, а од филмови и книги најмногу сакам историски. Ме интересира и сè што е поврзано со Загреб и Хрватска. Сакам да отидам на концерт на Arctic Monkeys и да го видам Федерер во живо. Порано бев бубалица, ама сега гледам само да положам и повеќе да излегувам 🙂
2. Како заврши во Brainster, зошто реши да започнеш нова кариера?
Brainster ми ја пополни огромната празнина која ја имав од недостатокот на пракса на факултет. Прво отидов на Курсот за Онлајн Маркетинг кај Петар и тука всушност сфатив дека маркетингот ме интересира. На почеток немав поим што се случува и бев изгубена, но почнав да читам и да истражувам и сфатив дека ова сакам да го работам. Од таму дознав за Академијата и воопшто не се двоумев дали да се пријавам.
3. Опиши го на кратко искуството на Академијата за Маркетинг.
Академијата целосно ми го промени мајндсетот. Веројатно многу придонесе тоа што влегов со огромна волја да учам и да вложам труд за да излезам од таму како спремен маркетер. Имам многу голем напредок во моите вештини благодарение на разновидната програма. Дополнително и тоа што имав шанса да учам директно од најголемите маркетинг експерти во Македонија. Сите тие беа отворени и достапни за сè што не ни беше јасно и постојано бевме во комуникација.
4. Што ти се допадна најмногу?
Инструкторите настојуваа да ги изработуваме задачите кои беа доста обемни и тоа беше најголемата причина зошто толку научивме. Постојано ни препорачуваа материјали за читање и истражување. Најбитно што се луѓе кои навистина живеат за маркетинг и имавме можност да ги откриеме “тајните” од прва рака. Воопшто не се чувствував како да одам на предавање туку како на дружење на кое си правиш муабет за маркетинг и по пат учиш. Затоа не пропуштив ни еден час 🙂
5. И, што понатаму? 🙂
Најтешкото прашање 😀 Во поблиска иднина имам уште многу да учам и во глава имам многу вештини кои во следниот период сакам да ги додадам во CV. Би сакала прво да соберам искуство во компании од различни индустрии. Крајната цел би била моја иновативна компанија тука во Македонија, за да пробам да променам нешто а не само да мрчам дека ништо не чини 🙂
Прочитај повеќе за Академијата за дигитален маркетинг тука.
Овој текст е објавен во категоријата Маркетинг и ги содржи следните клучни зборови: Brainster. brainster kariera, kariera. kursevi, вработување, кариера, компанија, нова кариера, платформа, програмирање, работа, стартап, технологија, книги за дизајнери, книги за програмери. книги за бизнис. книги за маркетинг, knigi za dizajn, knigi za marketing, knigi za programiranje, knigi za biznis, kurs za microsoft excel, kurs za illustrator. kurs za photoshop. kurs za pr, kurs za onlajn marketing, obuka. akademija za programiranje, akademija za kodiranje. akademija za marketing, obuka za marketing. obuka za facebook, обука за маркетинг
