Запознај ја Кристина Казанџиева. – Dream Team студент на Академијата за Project and product Management за август 2024.
Мојата позадина е…
Мојот пат во економијата започна со студиите на Економскиот факултет, каде ја открив љубовта кон оваа дисциплина. После 10 години успешна кариера во финансискиот сектор, решив да се дообразувам во современите технологии и се запишав на Brainster Aкадемијата за Project and Product Management. Тоа беше вистинската одлука за да се надоградам и напредувам во оваа област.
Областа ја избрав затоа што…
Чувствувам дека природно ме привлекува. Моето искуство во финансиите ме научи дека секојдневно се соочуваме со мали и големи проекти, што бараат вештини во менаџментот. Со над 10 години искуство, ова беше логичен чекор напред за да ги применам моите знаења во поширока и динамична средина.
Највредната лекција која ја научив досега на академијата е…
Упорноста и трпението се клучни. Одличен проект/продукт менаџер не се создава преку ноќ – потребно е време, работа на себе и прифаќање на нови предизвици со отворен ум.
Најгорда сум на…
Тоа што успеав да постигнам баланс меѓу професионалните обврски, семејството и студиите. Покрај тоа, создадов вредни пријателства и научив многу од менторите и колегите.
Мојот омилен модул е…
Секој модул има своја уникатна тежина, но моментално Achieving Product Market Fit ми е најинтересен, бидејќи учам како да го усогласам производот со потребите на пазарот, што е клучно за успех.
Инструкторот кој најпозитивно влијаеше на мене е…
Секој инструктор остави значаен печат на мене. Нивниот професионализам, трпение и подготвеност да пренесат знаење се инспиративни. Тие не само што предаваат, туку и не мотивираат да дадеме сè од себе.
Академијата досега ми има помогнато во моите кариерни планови и цели така што…
Да ги структурирам и зајакнам моите вештини и да се движам по патот кон станување успешен Проект/Продукт менаџер. Со секоја нова лекција се доближувам до мојата цел.
Мојот совет до идните студенти на Brainster…
Бидете храбри и отворени за предизвици. Учете од вашите грешки, бидејќи секоја ситуација е можност за раст. Не се откажувајте – секој чекор е напредок!
