Дигиталниот маркетинг е потребен на секоја компанија | Brainster

Дигиталниот маркетинг е потребен на секоја компанија

Запознајте ја Викторија Андонова – алумни студент од Академијата за дигитален маркетинг која ја започна својата кариера во маркетинг светот на практикантска позиција како асистент за комуникации во Импакт Фондација.

 

Си поразговаравме со Викторија за нејзиното кариерно патување

 

Здраво Викторија! Ние на Академијата за дигитален маркетинг веќе те познаваме, но како би се претставила на останатите, која е Викторија?

Јас сум Викторија Андонова и имам 21 година. Надвор од маркетингот, обожавам да сликам природа на платно, да шетам во природа и да вежбам. Најмногу од сѐ сакам да посетувам нови места и имам своја мапа која ме води низ тој процес. 

 

Три работи кои те опишуваат?

Љубопитна, упорна и креативна.

 

Ти си наш студент од Академијата за дигитален маркетинг. Неколку кратки прашања на оваа тема. Најпрво: Како ни дојде во Brainster?

Во Brainster дојдов по разговор со неколку блиски личности, читањето на успешните приказни, како и самиот изглед на визуелниот идентитет на Brainster.

 

Зошто баш дигитален маркетинг? Што те натера да ја избереш оваа професија?

Во средно училиште учев маркетинг и сфатив дека истиот е потребен на секоја компанија. Дали ќе работам во приватен сектор, јавен сектор, невладин сектор или своја фирма, маркетингот е потребен секаде. Изучувањето на дигиталниот маркетинг е важно бидејќи може да се стигне до вистинската маса на луѓе многу полесно и побрзо од традиционалниот маркетинг. Сепак, традиционалниот маркетинг е исто многу кул и може да донесе интересни резултати. Според мене, треба да се прави комбинација од двете.

 

Својата кариера ја започна токму во Импакт Фондација на практикантска позиција како асистент за комуникации. Раскажи ни го накратко твоето кариерно патување.

Во Импакт Фондација аплицирав преку платформата на Brainster. По две интервјуа, донесов одлука да станам дел од организација која ми нуди флексибилност во работата и можност за пола работно време. Имам шанса да испробам разни полиња во маркетингот што ги учевме на Академијата за да видам што најмногу ме интересира и да се насочам кон едно понатаму.

 

Како изгледа еден твој работен ден? Кои се моментите во кои најмногу уживаш?

Со работа најчесто започнувам во 9 или 10 наутро. Со тимот се договоривме да се гледаме еднаш неделно и јас лично уживам во заедничкото работење. Ми се допаѓа динамиката на работење – четири дена од дома, еден ден од co-working место.

 

За крај – твоја препорака до сите оние коишто размислуваат за кариерна промена и насочување во сферата на дигитален маркетинг?

Излезете надвор од комфорната зона и променете го кариерниот пат доколку тоа го посакувате. Ако знаете што сакате, сега имате шанса на побрз начин да стигнете до посакуваната цел.

 

Уписите за следната група на Академијата за дигитален маркетинг се во тек! Интересот е преголем и бројот на места – ограничен, затоа резервирај го твоето навреме!

Закажи средба со нашиот student success manager за повеќе насоки и детали за програмата!