Запознај ја Александра Костадиновска – Dream Team студент на Академијата за дигитален маркетинг за мај 2024.  

Мојата позадина е…

Професионален фотограф со 9 годишно искуство и завршени магистерски студии по архитектура. 

Областа ја избрав затоа што…

Верувам дека комбинирањето на мојата креативна позадина со маркетинг вештини ќе ми овозможи подобро да го промовирам моето дело и да достигнам поширока публика.

Највредната лекција која ја научив досега на академијата е…

Важноста да се комбинира креативноста со стратешкото размислување. Инструкторите ме научија како да ги искористам моите креативни вештини и ефикасно да ги применам во кампањите за дигитален маркетинг. Така се осигурав дека моите креативни напори не се само визуелно привлечни, туку и влијателно насочени. 

Најгорда сум на…

Тоа што ги надминав моите сомнежи и се истакнав во програмата за дигитален маркетинг на оваа академија. Пред да почнам не бев сигурна дали можам да ги балансирам новите обврски со мојата работа, но како навлегував во програмата, најдов нов интерес и стекнав доверба во моите способности. И покрај предизвиците, се туркав себеси да учам и да растам, докажувајќи си дека можам да се прилагодам и да успеам на нови полиња.

Мојот омилен модул е…

Ќе го издвојам вториот модул за дигитална маркетинг стратегија – ми беше најинтересен бидејќи ме потсети на moodboard-ите кои ги изработувам за клиенти за фотосесии. За време на овој модул, стекнав подлабоко разбирање за основните принципи зад естетиката во маркетингот. Инструкторот Виктор Милевски ни сподели огромно знаење и поддршка при изработка на проектите, а работењето со тим од луѓе кои не ги знаеш за вистински клиент за прв пат беше комплетно ново искуство. 

Инструкторот кој најпозитивно влијаеше на мене е…

Нема да издвојам еден затоа што сите инструктори кои ги запознав досега несебично го споделуваа своето знаење, со многу внимание, разбирање и трпение. 

Академијата досега ми има помогнато во моите кариерни планови и цели така што…

Засега, мојот примарен фокус останува на унапредување на моето образование и усовршување на моите способности.

Мојот совет до идните студенти на Brainster…

Да останат љубопитни и да продолжат да растат.


Местата се пополнети! Приклучи се на листата на чекање денес и ПРВ/А дознај доколку се отвори повторно можност за упис на Brainster+ Академијата за дигитален маркетинг