Ненад Шкуртевски е наш алумни студент од Академијата за Front-end програмирање кој ја заврши Академијата со одличен успех. Од неодамна, тој е вработен во германската компанија GedankenSchmiede GmbH, каде работи како Front-end developer.

Со него разговаравме како Академијата за Front-end програмирање му помогна во остварувањето на неговата кариера, кои се најголемите предизвици со кои се соочуваат front-end developers и кои карактеристики треба да ги поседува еден front-end developer за да биде успешен во своето поле.

Ти работиш во германската компанија GedankenSchmiede GmbH, која е твојата позиција? Како ја одбра токму оваа компанија да биде твоето идно работно место?

Моментално работам како Front-end Developer во GedankenSchmiede. Иако е мала, оваа компанија се издвојува со своите иновативни проекти и тим од супер-кул колеги. Работам на многу возбудливи и интересни проекти, и постојано сум инспириран од динамичната и креативна работна средина. Многу ми се допаѓа тоа што тие ја вреднуваат креативноста и иницијативата на своите вработени, што ми овозможува да ги изразам моите идеи и да бидам дел од кул проекти. Компанијата има супер култура на работа – тимската работа. Со други зборови, GedankenSchmiede е местото каде што можам да растам и да се развивам како професионалец. 

Како сметаш дека еден Front-end developer програмер може да остане конкурентен на пазарот на труд денес?

Во светот на Front-end, конкуренцијата е огромна! За да останете конкурентни на пазарот на труд, треба да бидете како адаптивен веб дизајн – способни да се промените со секое ново барање.

 Еве некои примери како да се издвоите од конкуренцијата: 

• Следете ги трендовите: Индустријата за веб развој постојано се менува. Од суштинско значење е да бидете во тек со најновите трендови и технологии. Читајте блогови, следете водечки експерти на социјалните мрежи, и учествувајте на конференции и вебинари. 
• Континуирано учење: Никогаш не престанувајте да учите. Запишете се на онлајн курсеви, читајте книги за нови технологии, и работете на лични проекти кои ќе ви помогнат да ги примените новите знаења во пракса. 
• Практично искуство: Работете на реални проекти, било да е тоа преку фриленсинг, интернирање или волонтирање. Практичното искуство е незаменливо и ќе ви помогне да ги примените вашите знаења во реални ситуации и да развиете важни soft skills. 
• Работа на soft skills: Техничките вештини се важни, но исто така важни се и комуникациските, тимските и организациските вештини. Развијте ги вашите soft skills за да можете ефикасно да соработувате со колеги и клиенти и да бидете успешен во тимска средина. Овие стратегии ќе ви помогнат да се издвоите од конкуренцијата и да го осигурите вашето место во светот на фронт-енд развојот. Секогаш бидете упорни и посветени на вашата кариера и не заборавајте да уживате во патот на учење и развој.

Ко-инвестираме со нашите партнери за вработување и доделуваме 100 ваучери од 1000€. Инвестирај во иднина што ќе ти донесе вработување – Аплицирај на Brainster+ Академијата за Front-end програмирање за твојот ваучер!

Кои се најголемите предизвици со кои се соочуваат Front-end developers? 

Најголемите предизвици со кои се соочуваат Front-end програмерите сметам дека се постојаниот развој на технологиите и алатките, оптимизација за различни уреди и обезбедување на беспрекорно корисничко искуство. Тоа значи да бидете постојани во учењето на нови технологии и трендови, да развивате креативни решенија за комплексни проблеми и да бидете спремни да се адаптирате за нови предизвици и измени. Генерално, програмирањето е исклучително уникатен и предизвикувачки свет каде што секој ден е приказна за себе.

Кои карактеристики треба да ги поседува еден Front-end developer за да се истакне како успешен developer ?

Успешниот Фронт-енд програмер треба да поседува комбинација од технички вештини, креативност и soft skills. Еве неколку клучни карактеристики кои го прават еден Front-end програмер извонреден:

• Problem Solving Skills: Способноста за брзо и ефикасно решавање на проблеми кои се јавуваат во текот на програмирањето. Ова вклучува debugging, оптимизација на код и наоѓање креативни решенија за различни предизвици.
•  Внимание на детали: Мали грешки во кодот може да предизвикаат големи проблеми. Вниманието на детали и темелноста во работата се клучни за избегнување на багови и проблеми со функционалноста.
• Корисничко искуство (UX): Разбирање на потребите и очекувањата на корисниците и создавање на интуитивни и лесни интерфејси. 
• Прилагодливост: Способност за брзо прилагодување на нови алатки, технологии и промени во проектот. 

И најважно, континуирано учење: Технологиите брзо се менуваат, па затоа е важно постојано да се учи и да се следат најновите трендови и иновации во индустријата. Успешниот програмер е секогаш подготвен да научи нешто ново и да ги подобри своите вештини. 

Како Aкадемијата за Front-end програмирање ти помогна за да стигнеш тоа што си денес? Зошто се одлучи за оваа Академија? 

Front-end ми помогна не само да ги усовршам техничките вештини, туку и да развијам креативен и иновативен пристап кон решавање на проблеми. Од првите линии код до сложени апликации, оваа академија ми помогна да ги надминам сите предизвици и да ја откријам мојата љубов кон програмирањето. Инструкторите беа одлични, секогаш подготвени да ни покажат нови трикови и техники, некои од нив ги користам и ден денес. Се одлучив за оваа академија бидејќи е позната по тоа што создава вистински програмери. Плус, атмосферата е како една голема фамилија – сите бевме тука да си помагаме и да растеме заедно. Академијата за Front-end не ми даде само знаење, туку и самодоверба да ја кодирам мојата иднина.

Како би ги советувал сите оние кои сакаат да остварат кариера на полето на програмирање?

За оние кои сакаат да остварат кариера во полето на програмирањето, првично би ги посоветувал да се фокусираат на учење, многу учење. Заедно со тоа, да ги следат последните трендови во индустријата и континуирано да работат на проекти и задачи кои што ќе ги зголемат нивните технички вештини. По започнување на Академијата, задолжително, креирајте GitHub профил и  користете го секој ден за сѐ и сешто. На почетокот не е многу важно ама ќе сфатите на крај зошто е многу важно. Направете Linkedin профил (секако доколку немате) и обработете го секое поле, направете портфолио, почнете го и како што ќе зреете во сферата ќе си го надополнувате и најважно, направете CV кое што е релевантно за регионот кај што сте. Уште една многу важна работа е сликата на CV-то која привлекува огромно внимание – бидете насмеани. Овие работи беа клучни да се издвојам од конкуренцијата и да пронајдам работа. Да не должам, бидете упорни во тоа што го правите и најбитно, не се откажувајте, кога ќе ви биде најтешко, тогаш најмногу ќе научите!