Запознај ја Емилија Деловски – Dream Team студент на Академијата за Software Testing за август 2024.
Мојата позадина е…
Магистер по право, моментално работам во Американска фирма во дел за осигурување.
Областа ја избрав затоа што…
Желба имав уште од порано бидејќи сум личност кој ги забележува и најситните детали, а тоа е и клучно за еден тестер.
Највредната лекција која ја научив досега на академијата е…
Академијата уште еднаш ми ја потврди важноста на практичната примена на теоретските знаења кои се клучни за успешна кариерна промена без никакво претходно познавање.
Најгорда сум на…
Искрено горда сум и на многу мали нешта како на пример успешно решена задача или вежба, асистенција за време на час за повторување или вежби. За мене е многу важно и тоа ме прави среќна и мотив да се посветам се повеќе.
Мојот омилен модул е…
Тешка одлука. Секој модул почнувајќи од инструкторите и асистентите што не водат низ модулите со голема посветеност го прават секој модул да го засакаш. Омилени ми се модулот за мануелно тестирање и модулот за автоматско тестирање.
Инструкторот кој најпозитивно влијаеше на мене е…
Почетоците со Моника и асистентот Михајло кои уште на првите часови ми го отфрлија стравот дека е возможно без никакво познавање да го совладам материјалот, потоа Драган со асистентот Кика со модулот за автоматско ми дадоа плус елан за напредок.
Академијата досега ми има помогнато во моите кариерни планови и цели така што…
Уште малку остана до крајот на академијата меѓутоа ми помогна да ја остварам поставената цел за кариерна промена, да се надоградам себе си преку збогатување на моето образование и вештини. Оваа академија ми ја даде таа шанса преку целокупната програма и практична работа и секако многу посветеност од моја страна се клучни за успех.
Мојот совет до идните студенти на Brainster…
Топла препорака за секој којшто сака кариерна промена. Академијата на Brainster има програма за таквите како мене без никакво претходно знаење, за денес да стигнам до степен да совладам сѐ. Секако треба многу посветеност од ваша страна за да биде успехот загарантиран. Мојот совет е: не се двоумете долго, за да не ви биде криво како мене што не се запишав порано, но никогаш не е доцна.
