Запознај го Марио Минчевски – Dream Team студент на Академијата за Front-end програмирање за мај 2024.
Мојата позадина е…
Базирана на пиксели, графички дизајнер со скоро 10 години искуство.
Областа ја избрав затоа што…
Последните неколку години чувствував потреба да се пренасочам кон нешто подинамично. Преминот од графички дизајн на Front-end беше интуитивен избор. За мене дефинитивно беше привлечно да се навлезе во оваа област каде креативноста се сретнува со кодирањето.
Највредната лекција која ја научив досега на академијата е…
Веројатно тоа што ни е веќе познато на сите при крајот на академијата, прогресот не е линеарен и секоја пречка e шанса да научиш нешто ново.
Најгорд сум на…
Тешко дека би издвоил едно, можам да кажам дека најгорд сум на целокупниот напредок постигнат гледајќи од минатата година ова време, па досега. Можеби сепак вреди да го споменам и финалниот проект, кој претставуваше голем предизвик и беше подеднакво забавен и напнат.
Мојот омилен модул е…
Javascript и React.js, особено Javascript. Тогаш беше моментот кога сфатив како функционираат многу од работите кои секојдневно ги гледаме и користиме на веб-страниците, што уште повеќе го зголеми мојот интерес за оваа сфера.
Инструкторот кој најпозитивно влијаеше на мене е…
Ристе Самарџиев MVP, и секако Иван Јасенов.
Академијата досега ми има помогнато во моите кариерни планови и цели така што…
Добивме некои доста корисни совети и насоки за започнување на нова кариера. Се надевам дека во блиска иднина, овие совети ќе ме водат во вистинската насока.
Мојот совет до идните студенти на Brainster…
Гледајте да не пропуштите ниту една задача, без разлика дали е тоа предизвик, менторска, работилница или нешто ново што инструкторите/менторите го задале на самиот час. Кога имате решение што функционира, направете уште едно или две кои ќе бидат по оптимални. И секако, помалку нервози, повеќе упорност 🙂
