Запознај ја Марија Петковска – Dream Team студент на Академијата за Full-stack програмирање за септември 2024.
Мојата позадина е…
Јас сум студент на Економски факултет, департманот за е-бизнис, каде што стекнав солиднo познавање за бизнис стратегиите и дигиталната трансформација. Сепак, мојата желба за континуирано учење и љубопитноста за нови технологии ме мотивираа да ги проширувам моите знаења и во областа на програмирањето.
Областа ја избрав затоа што…
Математиката отсекогаш ми била силна страна, а интересот за логиката и аналитичкото размислување ми даде поттик да се впуштам во програмирањето. Во оваа област гледам бесконечни можности за практична примена на моите вештини во решавање комплексни проблеми,креирање функционални решенија и постојано учење нови технологии.
Највредната лекција која ја научив досега на академијата е…
Важноста на конзистентноста и учењето преку практична работа. Академијата ми покажа дека не е само до теоријата, туку и до примената на знаењето во реални проекти. Покрај тоа, работата под притисок и следењето на рокови ме научија како да бидам поорганизирана и посамоуверена во своите способности.
Најгорда сум на…
Горда сум на секоја успешно решена задача, на секој сработен предизвик и на мојот прв проект посветен на Front-end делот, каде што ги применив стекнатите знаења. Но, најгорда сум на моето прогласување за Dream Team студент. Ова признание ми докажа дека трудот и посветеноста секогаш носат резултати, а истовремено ме мотивира да продолжам да учам и да се усовршувам во полето на програмирањето.
Биди чекор пред останатите и учи преку работа на реални проекти! Учи на Академија додека студираш – аплицирај за стипендија до 1000 евра на Академијата за Full-stack програмирање!
Мојот омилен модул е…
Иако сè уште учиме нови модули, досега најголем впечаток ми остави PHP модулот, бидејќи овој програмски јазик нуди многу можности. Уште сме во процес на учење и истражување на неговите функции, но веќе чувствувам како ми отвора нови перспективи во програмирањето.
Инструкторот кој најпозитивно влијаеше на мене е…
Сите инструктори во академијата се исклучително добри и секој од нив има уникатен начин на предавање. Но, ако треба да изберам еден, тоа би бил Филип Манев. Неговата способност да објасни комплексни концепти на едноставен и практичен начин, како и неговата поддршка, оставија голем впечаток врз мене.
Академијата досега ми има помогнато во моите кариерни планови и цели така што…
Академијата ми донесе нови знаења и перспективи, кои сигурно ќе ми помогнат во остварување на мојата идеална кариера. Исто така, ми овозможи да ги развијам моите вештини преку практични проекти и постојана поддршка од инструкторите.
Мојот совет до идните студенти на Brainster…
На идните студенти би им препорачала да бидат подготвени за предизвици и да ги гледаат како можност за учење. Програмирањето бара посветеност, но резултатите и чувството на постигнување кога ќе решите некој проблем се навистина вредни. Со упорност и отвореност за нови искуства, успехот ќе дојде!
